Mag-asawa utas sa ambush

BATANGAS  — Napa­aga ang salubong ni ka­matayan sa isang 47-an­yos na mister at ang kan­yang anim na buwang bun­tis na asawa makaraang tam­bangan ng mga di-pa na­kikilalang kala­lakihan sa bayan ng Rosa­rio, Bata­ngas kamakalawa ng uma­ga.

Kinilala ni P/Chief Inspector Ruperto Hupida, hepe ng Rosario PNP, ang mag-asawang sina Hilario at Nenita Inandan na kapwa residente ng Ba­rangay Bagong Pook, Rosario, Batangas.

Ayon sa ulat, magka­ang­kas ang mag-asawa sa motorsiklo (DR-4377) at binabagtas ang kahabaan ng barangay road sa Ba­rangay Bagong Pook nang sundan sila ng riding-in-tandem gunmen bandang alas-9 ng umaga.

 Pagdating sa ilang na lugar ng nabanggit na ba­rangay, pinagbabaril ang mag-asawa kung saan nagtamo ng limang tama ng bala sa katawan si Hila­rio samantalang dala­wa naman ang tumama kay Nenita.

Sinisilip ng mga imbes­tigador na awayan sa lupa ang posibleng motibo ng pa­mamaslang sa mag-asawa.