Pamilya, 9 tiklo sa drug bust

CEBU CITY – Isang abo­gado kasama na ang kan­yang misis, mga ma­gulang at mga kamag-anak ang ina­resto ng mga ta­uhan ng Philippine Drug Enforcement Agency at Regional Anti-Illegal Drugs Task Force dahil sa pag­tutu­lak ng bawal na droga sa Ba­rangay Ulo sa bayan ng Si­qui­jor, Siquijor noong Hu­we­bes ng madaling-araw.

Kabilang sa mga kina­suhang suspek habang na­ka­kulong ay sina Atty. Rex Perewperew, 29; misis nitong si Emie, 30; mga ma­gulang na sina Mansueto Perew­perew, 62 at Belinda, 50;. mag-asawang tiyuhin ni Atty. Rex na sina Pedro Perew­perew, 53; at Elva, 49; pin­sang si Glor Pe­rewperew, 43 at asawa nitong si Estella, 44, pati na ang runner ng abo­gado na si Joramie Rica­mara, 33.

Ayon kay Atty. Jennifer Rosales, regional director ng PDEA-7, ang nasabing pa­milya ay itinuturong pangu­nahing nagtutulak at nagsu­suplay ng bawal na gamot sa nasabing ba­rangay.

Sa bisa ng search warrant na ipinalabas nina Judge Ramon Codilla Jr. ng Cebu Regional Trial Court at Judge Teresita Calanida ng Man­daue City Regional Trial Court, sinalakay ang pinag­ku­kutaan ng mga sus­pek kung saan nakasam­sam ng walong paketeng sachet ng shabu at isang paketeng na­bili ng mga operatiba ilang oras bago pa ang operasyon, mga bala ng .45 cal.; drug pa­raphernalia at iba pang gamit sa droga.

Narekober din sa mga ka­mag-anak ng pamilya Perew­perew ang mga pake-pak­e­teng shabu kasama na ang mga bala at .357 revolver, mga bala ng .22 magnum .38 cal., drug paraphernalia at drug packing instrument at perang pinaniniwalaang kinita sa pagbebenta ng shabu.

Ayon kay Rosales, ay walang sinumang law enforcement unit na maglakas-loob na pumasok sa natu­rang barangay dahil na rin sa sinasabing protektado ang mga ito ng kilala at promi­nen­teng opisyal sa nasabing lalawigan.

 “People perceived them as untouchables in the area because there were no anti-illegal drug operations conducted against them. That is probably because they are armed and one of their family members is a lawyer,” dagdag pa ni Rosales.

Mariin naman pinasinu­ngalingan ni Atty. Perew­perew, ang mga akusasyon laban sa kanila.