Mga unggoy umatake sa baryo

BACOLOD CITY – Nagimbal ang mga re­sidente mula sa ta­himik na baryong sakop ng Negros Occidental ma­karaang umatake ang mga unggoy sa kani­lang kabahayan at ta­ngayin ang anumang pagkain at gamit noong Linggo ng umaga.

Sa ulat ng DYEZ Ak­syon Radyo, ang mga unggoy na ani­mo’y gutom na sumala­kay sa Sitio Camula­yan Gamay sa Barangay Mambaroto, Sipalay City ay nagsikain muna ng mga saging, root crops, pinya at  langka bago sinimulang pa­sukin ang kabahayan.

Ayon kay Maya Ba­cones, kalimitang pun­tirya ng isa o dalawang unggoy ang kanilang baryo dahil sa maya­bong na taniman ng prutas, subalit noong Linggo ng umaga ay kawan ng unggoy ang lumusob at winasak ang mga pananim.

Maging sa kaba­hayan ay pumasok at naghahanap ng pag­kain

Sa pahayag ni Da­vid Castro ng Negros Forest and Ecological Foundation, ang mga unggoy na kilalang may long-tailed maca­ques ay umatake sa naturang baryo dahil unti-unting nawawasak ang kagubatan na ka­nilang tirahan.

May posibilidad na ang mga punongkahoy na dati nilang pinag­kukunan ng pagkain ay pawang naubos na ng mga illegal logger.