Negosyante binoga ng karibal sa bebot

SAN ANDRES, QUE­ZON – Hindi na nagising buhat sa kanyang mahim­bing na pagkakatulog ang isang negosyante matapos barilin hanggang mapatay ng kanyang karibal sa babaeng kanyang binisita sa Barangay Talisay ng bayang ito kamakalawa ng gabi.

Kinilala ng pulisya ang biktimang nagtamo ng isang tama ng bala ng kalibre .38 baril sa kaliwang bahagi ng ulo na si Victor Ilao, 45, residente ng Ba­rangay Danlagan, Padre Burgos Quezon. Hindi na­man nakapalag ang suspek na si Ricky Rabe, 27, ng Ta­lisay nang maaresto  ng pu­lisya.

Ayon kay PO3 Paterno Arrabis, offricer on case, ina­bot ng gabi si Ilao sa ba­hay ng kanyang nililiga­wang si  Maricel Dilao kaya niyaya siya ng huli na doon na matulog.

Dakong alas-11:00 ng gabi ay sinira umano ng sus­pek ang bintana ng bahay saka pumasok sa kuwartong kinatutulugan ng biktima at bunsod ng nada­ramang selos ay binaril nito ang karibal.

Nabatid na ang biktima at ang suspek ay kapwa nanliligaw kay Dilao. (Tony Sandoval)