Chairman dinedo sa sementeryo

CAMP VICENTE LIM, Laguna – Hindi na umabot pa ng buhay sa ospital ang isang barangay chairman makaraang pagbabarilin ng nag-iisang gunman habang nakikipaglibing sa yumaong kaibigan sa Barangay 2 sa San Pablo City, Laguna ka­hapon ng umaga.

Kinilala ni P/Senior Supt. Felipe Rojas, Jr., Laguna pro­vincial director, ang bik­timang si Proven­ ciano Marco, 53, ng Ba­rangay Atisan sa nasabing lungsod.

Ayon sa ulat, naglalakad lang ang biktima habang nakikipaglibing sa isang kaibigan nang tabihan at pagbabarillin ng isang ’di-kilalang lalaki pagdating mismo sa harap ng semen­teryo sa Leonor St. ban­dang alas-10:15 ng umaga.

Mabilis na nakatakas ang gunman matapos hu­malo sa mga nagtatakbu­hang tao hanggang sa tuluyan na itong maglaho.

May teorya ang pulisya na politika at personal na dahilan ang sinisilip ng mga awtoridad na motibo ng pamamaslang.