Drug test  pineke

Sasampahan ng kasong kriminal ng National Bureau of Investigation ang 186 barangay officials ng  Western Samar dahil sa pang­huhuwad ng kanilang mga dokumento para makapasa sa drug test.

Ayon kay NBI Head Agent Danielito Lalusis, hepe ng NBI-Samar District Office,  sa 186 barangay officials ay 16 dito ang barangay chairmen; 20 ang opisyal ng Sang­guniang Kabataan, at ang iba ay mga barangay kagawad na.

Ang pagsasampa ng kaso ng NBI ay bunsod sa reklamo ng natalong kandidatong ba­rangay chairman na si Ester­ Herrera.

Isinumbong ni Herrera sa NBI na ang mga nanalo umanong barangay officials sa nagdaang October 29 Ba­rangay at SK election ay pa­wang pineke lamang ang kani-kanilang dokumento  para magkaroon ng drug test certification.

Sinabi pa ng NBI na kino­pya lamang ng mga nana­long barangay officials sa na­turang lalawigan ang kani­lang mga papeles mula sa  ibang dokumento para sa drug testing.

Ginamitan umano ng snowfake ng mga ito ang mga pangalan ng mga to­toong may-ari ng dokumento at inilagay ang kani-kanilang mga pangalan.

Sasampahan ng kasong falsification of public document ang mga nasabing ba­rangay officials. Maging ang mga opisyal umano ng Commission on Elec­tions na tumang­ gap ng pekeng do­kumento ay ma­susi din isa­sailalim sa im­bestigasyon ng NBI.  (Grace Amargo-Dela Cruz)