7 coed nakuryente sa poste

Pitong  college student na kumukuha ng kursong Electrical  Engineering ang iniulat na nakuryente ma­karaang mapadikit sa na­buwal na poste ng kur­yente sa Ba­rangay Aga­ nan, Iloilo City, kamaka­lawa.

Batay sa ulat na naka­ra­ting sa Camp Crame, da­la­wa sa mga estud­yanteng nasa kritikal na kondisyon ay sina Mark Que at Mark Ro­driguez na kapwa 4th year college sa Central Philippine University at ngayon ay nasa Iloilo  Mission Hospital.

Bukod sa nakuryente, na­sugatan din ang ulo ni Que nang matamaan ito ng poste  na gawa sa ba­kal.

Ayon sa imbesti­ gas­yon, bandang alas-9 ng umaga habang inaayos ng mga bik­tima ang search light ng basketball court sa campus ng nabanggit na uni­ber­sidad para sa naka­takdang outreach program ng ma­ganap ang insi­dente.

Sa pahayag ng mga na­kasaksi, bigla na lamang na­buwal ang poste na pinag­ka­kabitan ng mga linya ng kur­yente at hindi na naga­wang makaiwas ang mga biktima.

Kasalukuyang inaayos na ng mga tauhan ng Iloilo Electrical Corporation ang nabuwal na poste habang patuloy naman ang im­bestigasyon ng pulisya kung may pananagutan ang nasabing kompanya.