Rapist sinampal ni Duterte

CAMP CRAME – Ma­la­kas na sampal ang pi­nadapo ni Da­vao City Mayor Rodrigo Duterte sa isang ama na gu­mahasa sa sariling anak na dalagita sa nabanggit na lung­sod, kamakalawa.

Ang suspect na itinago sa pangalang Mang Jose upang protektahan ang kaniyang pamilya ay ipri­nisinta kay Mayor Duterte matapos ma­sakote ng mga tauhan ng Buhangin PNP sa Yellow Fin Restaurant sa Davao City.

Batay sa ulat, ang  sus­pek ay inaresto matapos na dumulog sa himpilan ng pu­lisya ang biktimang si­na­mahan ng ilang kamag­-anak para magreklamo.

Agad namang kinom­pronta ni Duterte ang na­sabing suspek at siner­mo­nan nito saka sinampal ng ma­lakas.

Ikinatwiran ng suspek na lasing siya nang halayin ang 13-anyos niyang anak kaya hindi alam ang kani­yang ginagawa bagay na ikinagalit ng nasabing al­kalde.

Sa lakas ng pagkaka­sampal ay halos hindi na­kapagsalita ang suspek at napayuko na lamang at hindi makatingin kay Mayor Du­terte.

Kaugnay nito, agad na­mang ipinag-utos ni Mayor Duterte sa Davao City Social Services and Development Office para imbesti­gahan ang status ng pa­milya ng biktima.

Ibig makasiguro ni Du­terte na hindi nabiktima ang iba pang anak na babae ng suspek. (Joy Cantos)