Ama at 2 kuya ni Marianeth isasailalim sa drug test

Hustisya!

Isasailalim sa drug test ng pulisya ang ama  at dalawang nakatatandang kapatid na lalaki ng 12 anyos na si Marianeth Am­per, ang batang pi­ nagdu­dudahang binigti matapos gahasain at hindi  totoong nagpatiwakal dahil sa kahi­rapan sa Davao City.

Batay sa report, kabi­lang sa isasailalim sa drug test ang ama ni Marianeth na si Isabelo, 49 at dalawa niyang kuya na sina Isa­belo Jr.  at Renato, pawang nasa hustong gulang.

Naunang lumitaw sa awtopsiya na may lacerations sa ari ang bata na isang matibay na indi­kasyong ginahasa ang biktima.

Naghugas kamay  na­man si Isabelo Sr. na may kinalaman siya sa na­ganap na panggagahasa at pag­patay sa sariling anak at pinalabas lamang na nag­bigti ito upang ta­kasan ang krimen.

Inihayag ng pamilyang Amper na nabigla rin sila sa findings ng medico legal.

Magugunita na ipinag-utos ni Davao City Mayor Rodrigo Duterte ang mas malalimang imbestigas­yon matapos mapabalita na pinunit umano at iti­nago ng posibleng salarin ang ilang pahina ng diary ni Maria­neth na may na­kasulat na maaring ito ang maging dahilan ng pag­hi­hiwalay ng kaniyang mga magulang.

Pinagdududahan ni Du­terte ang ama ng bata dahil hindi ito nag-report sa pu­lisya sa krimen na na­ganap sa kanilang tahanan noong Nobyem­bre 2 su­bali’t halos isang linggo na bago na­pabalita na nala­man la­mang sa mga kapit­bahay ng pa­milya. Bukod dito ay matindi umano ang pag­tutol nito na isailalim sa awtopsya ang bangkay ng anak dahilan kung lilitaw na na-rape ito ay baka siya pa ang mapagbin­tangan at iginiit na hindi niya ito ma­gagawa sa bata.

Ikinatwiran naman ng ama ni Marianeth na wala umano siyang alam sa ba­tas kaya hindi niya naire­port sa pulisya ang insi­dente.

Patuloy naman ang isi­nasagawang imbes­ tigas­yon ng mga aw­toridad upang mabig­yang hus­tisya ang si­napit ng ka­awa­awang biktima.

Naging tampok na ba­lita sa buong bansa ang sina­sabing pagpapati­wakal ni Marianeth da­ hil, batay sa mga naka­sulat sa kanyang diary, na­gawa niyang wa­kasan ang kanyang buhay dahil sa kahirapan at ka­wa­lang-pag-asa. Meron pa siyang isang sulat sa isang television program na hindi nya naipadala at humi­hiling ng mga gamit sa eskuwe­lahan, sapa­tos, bisikleta  at trabaho para sa kanyang mga magu­lang. Ang kan­yang ama ay isang kar­pintero ha­bang ang kan­yang ina ay laban­dera.

Maging si Pangulong Gloria Macapagal-Arroyo ay naantig sa kuwento ni Marianeth bagaman pi­naim­bestigahan niya ang pagkamatay nito.

Gayuman, iniutos ni Davao City Mayor Rodrigo Duterte na hukayin ang bangkay ni Marianeth para matukoy ang tunay na dahilan ng pagkamatay nito.