7 miyembro ng frat arestado sa hazing

CAMP VICENTE LIM, Laguna  – Pitong miyembro ng 25 Miles Fraternity ang inaresto ng pulisya kamakalawa matapos ireklamo ng 16-anyos na babaeng estudyante na sumaila­lim ng matinding hazing sa bayan ng Sta. Cruz, Laguna.

Kinilala ni P/Ins­pector Mario David, de­puty police chief sa ba­yan ng Sta. Cruz, ang mga suspek na sina Ri­chard Abejon, 29 ; Albert Timoteo, 21; Dexter Ba­litayan, 21; Joshua Za­lameda, 20; Paula Mar­tirez, 19; at dalawa pang menor- de-edad.

Naaresto ang mga suspek sa bisa ng war­rant of arrest na ipina­labas ni Judge Jaime Blancaflor ng Sta. Cruz Regional Trial Court-Branch 26 matapos na hindi sumipot sa korte kung saan inisyuhan ng subpoena sa kasong physical injuries in rela­tion to RA 7610.

Nag-ugat ang rek­lamo laban sa mga sus­pek matapos magde­manda ang isang 3rd year student ng Pedro Guevarra High School at mga magulang nito dahil sa matinding sina­pit na bugbog ng  dalaga mula sa idinaos na hazing noong January 10, 2007

Magkakasabay na dinakip  ang mga sus­pek sa Barangay Santo Angel Sur sa Sta. Cruz, Laguna samantalang pinaghahanap pa ang anim na miyembro ng naturang frat. Arnell Ozaeta