Proklamasyon  sa QC, mapapaaga

CAMP CRAME – Napa­aga ang salubong ni kama­tayan sa limang sibilyan habang labinsiyam naman ang sugatan makaraang magsalpukan ang dala­wang pampasaherong bus sa kahabaan ng national highway na sakop ng Sitio Bora­cay sa Barangay Gu­lang-Gulang, Lucena City, Que­zon kamakalawa ng gabi.

Kabilang sa mga nama­tay ay sina Marie Claire Sadangsal, 27; Irma San­dangsal, 56; Herminigilda Yongco, 40; Virginia Riva­deniera, 49; at si Angeline Opiz na pawang naninira­han sa Quezon City.

Naisugod naman sa pa­gamutan ang mga sugatan.  Sa ulat na nakarating kaha­pon sa Camp Crame, naitala ang sakuna dakong alas-11:15 ng gabi kung saan nag­banggaan ang JAC Liner Bus (CVB-508) ni Jaime Magtoto at ang JAM Liner Bus (TYG-422) ni Reynante Carabido.

Nabatid na patungong Dalahican Port sa Lucena City ang JAM bus nang sakupin nito ang kabilang linya ng kalsada hang­gang sa makasalubong ang Jac Liner Bus na nag­resulta sa pagkamatay ng lima-katao.

Samantala, tugis naman ng pulisya ang drayber ng JAM Liner Bus na si Cara­bido para panagutin. (Edwin Balasa at Tony Sandoval)