Mag-utol na ‘kidnaper’ timbog

CAVITE – Bumagsak sa kamay ng pulisya ang mag-utol na pinaniniwalaang angkang dumukot sa isang pedicab drayber sa Barangay Niog 1, Bacoor, Cavite kamakalawa ng gabi. Kalaboso ang bagsak ng mga suspek na sina Malou, 29 at Froilan Abieraq, 27, ng Block 3 Lot 1 St. Michael Subd. ng nabanggit na bayan, samantala, ang biktimang si Rommel Montereyo, 22, ay nagsampa na ng kaukulang kaso laban sa mag-utol na suspek. Ayon kay PO1 Romar Villar Sinung, tinangkang dukutin ng mga suspek ang biktima na pinagbintangang nanloob sa apartment ni Malou, subalit nabulabog ang mga suspek matapos na dumagsa ang mga tao sa kanilang kinaroroonan hanggang sa masakote ng mga awtoridad. (Cristina Timbang)