6 dakma sa buy-bust

CAVITE — Anim-katao na pinaniniwalaang nagtutulak ng bawal na gamot ang dinakip ng mga tauhan ng pulisya sa isinagawang buy-bust operation sa Barangay San Agustin 1 sa bayan ng Dasmariñas, Cavite kamakalawa. Pormal na kinasuhan ng pulisya ang mga suspek na sina Ernesto "Erning" Camañag ng Barangay Anabu 2-D Imus, Cavite; Rogelio Saulog, Anthony Forto, Jubito Alvarez, Daisy Malgapo ng Barangay San Agustin 1, at Allan Jeciel ng Indang, Cavite. Sa pagsisiyasat ni PO2 Valero Bueno, ganap na alas-4:00 ng hapon nang isagawa ang buy-bust operation matapos na tumayong poseur buyer si PO1 Joselle Palamo. (Cristina Timbang)