Magsasaka hinatulan ng life

GAPAN CITY, Nueva Ecija — Hinatulan ng habambuhay na pagkabilanggo ang Isang 47-anyos na magsasaka makaraang mapatunayang guilty sa kasong robbery with homicide, noong Marso 5, 1999 sa bayan ng Jaen, Nueva Ecija.

Sa desisyon na nilagdaan ni Judge Arturo M. Bernardo ng Gapan City Regional Trial Court, Branch 36, pinatawan ng hatol na reclusion perpetua ang akusadong si Fernando Javate, alyas Mange Javate ng Barangay Hilera, Jaen, Nueva Ecija.

Sa record ng korte, pinagtataga ng akusado ang kanyang landlord na si Vicente Bartolome na noong Marso 5, 1999.

Matapos na patayin ang biktima ay pinagnakawan pa ng akusado bago tumakas hanggang sa madakip ng mga awtoridad.

Pinagbabayad din ng korte si Javate ng P50,000 sa mga naulila ng biktima. (Christian Ryan Sta. Ana)