Pulis itinumba sa loob ng bus

MABINI, Pangasinan — Binaril at napatay ang isang tauhan ng pulisya ng hindi kilalang lalaki habang ang biktima ay lulan ng pampasaherong bus sa kahabaan ng Barangay Arwas na sakop ng Alaminos City, Pangasinan noong Linggo ng gabi. Napuruhan sa ulo ang biktimang si PO3 Perfecto Baga, 38, ng Barangay Nibaliw sa bayang ito.

Sa ulat, sumakay ng Five-Star Bus Transit (AVH-753) ang biktima patungong bayan ng Bolinao. Pagdating sa harapan ng shopping mall ay pinutukan sa ulo ang biktima ng isa sa holdaper na nakaupo sa likuran ni PO3 Baga. Agad na bumaba ng bus ang hindi kilalang killer saka sumakay ng motorsiklong naghihintay. (Ulat ni Eva Visperas)