Kinilala ni Inspector Von Nicasio, Batangas City Fire Marshall ang mga nasawi na sina Noemi Torralba, 13-anyos at Jayson, 9, kapwa dead on the spot, samantalang nasa malubhang kalagayan naman si Jhonny Torralba, 12, na nagpapagaling sa Batangas Regional Hospital.
Isang nakilala lamang sa pangalang Anthony Pentinio, 28, ang nabalian naman ng buto nang tangkain nitong iligtas ang mga bata.
Ayon sa pagsisiyasat ng Batangas City Fire Station, napag-alamang ang sunog ay nagsimula matapos sumabog ang isang light bulb na nag-short circuit.
Bandang alas-10:20 ng gabi ng magsimula ang sunog at tumagal lamang ng halos limang minuto bago nila matagpuan ang mga namatay na biktima na pawang magkayakap pa.
Nagtataka naman ang mga imbestigador kung bakit hindi ini-report ng pamilya ang kaso. (Arnell Ozaeta)