3 tulak ng droga nadakma

PAMPANGA — Tatlong kalalakihan na pinaniniwalaang notoryus na tulak ng droga ang dinakip ng mga kagawad ng pulisya sa isinagawang buy-bust operation sa Barangay Lourdes, San Fernando at Barangay Moras dela Paz sa bayan ng Sto Tomas, Pampanga. Rehas na bakal ang kinasadlakan ng mga suspek na sina: Neil "Seng-Seng" Lingat; Joseph "Volume" Pineda at Dayan Lacson. Nakumpiska sa mga suspek ang 203.680 gramo ng shabu, mark money na ginamit sa buy-bust at Toyota Revo na may plakang VTC-444. (Ulat ni Resty Salvador)