Amo, maid pinatay ng houseboy

ANTIPOLO CITY – Pinagsasaksak hanggang sa mapaslang ang isang inhinyero at katulong nito ng dating houseboy na sinibak ng una sa Barangay Mayamot ng lungsod na ito kamakalawa. Nadiskubre ng mga awtoridad ang duguang bangkay ng mga biktimang sina Engr. Renato Amoroso at katulong na nakilala lamang sa pangalang Belen na kapwa residente ng Gumamela Street, Town and Country Executive Village sa nabanggit na barangay.

Tinutugis naman ng pulisya ang suspek na nakilala sa alyas na Bobby. May posibilidad na pinaghigantihan ng suspek ang among si Amoroso at nadamay lamang ang katulong. (Ulat ni Edwin Balasa)