Mister dinedo dahil sa minahan

LEGAZPI CITY — May posibilidad na minahan ng ginto ang isa sa pangunahing motibo kaya pinagbabaril hanggang sa mapatay ang isang 50-anyos na mister ng barangay captain sa Sitio Mabanban sa Barangay Panique, Aroroy, Masbate kahapon ng umaga. Napuruhan sa katawan ang biktimang si Romeo Perlas ng Barangay Bat-Ongan sa bayan ng Mandaon, Masbate, samantalang ang suspek na ngayon ay tinutugis ng pulisya ay nakilalang si Barangay Captain Erwin Amaro ng Barangay Loy-A.

Sa ulat ng pulisya, namataan ang biktima na pumasok sa minahan na pag-aari ng utol ng suspek. Dito kinompronta ng suspek ang biktima hanggang sa maganap ang pamamaslang. (Ulat ni Ed Casulla)