2 tulak timbog sa buy-bust

MARIVELES, Bataan — Dalawang kalalakihan na isinasangkot sa pagtutulak ng ilegal na droga ang dinakip ng mga kagawad ng pulisya sa isinagawang buy-bust operation sa Barangay Lucanin Mariveles, Bataan kamakalawa. Kasalukuyang naghihimas ng rehas na bakal ang mga suspek na sina: Manuel Lenezo, 25; at Pepito Lenezo, 36, ng nabanggit na barangay.

Ang dalawa ay dinakip matapos na bentahan ng mga suspek ang isang police asset na nagpanggap na bibili ng droga. Nakumpiska sa mga suspek ang labintatlong pirasong maliit na lalagyan na may pinatuyong dahon ng marijuana, ayon kay SPO3 Sammy Caballero. (Ulat ni Jonie Capalaran)