Opisyal ng Comelec todas sa ambush

CAMP CRAME – Tinambangan at napatay ang isang opisyal ng Commission on Elections (Comelec) ng mga hindi kilalang armadong kalalakihan habang ang biktima ay nagmamaneho ng sasakyan sa kahabaan ng highway na sakop ng Macapagal St, Rosary Height, Cotabato City kamakalawa.

Idineklarang patay sa Cotabato Regional and Medical Center ang biktimang si Israel Kamid, 31, assistant provincial election supervisor at naninirahan sa Shariff Kabunsuan Rosary Height 3 ng nabanggit na lungsod.

Naitala ang pananambang dakong alas-2:40 ng hapon matapos na haragin ng mga armadong kalalakihan ang owner-type jeep ng biktima.

Sa kasalukuyan ay hindi pa matukoy ang motibo ng krimen, subalit may teorya ang pulisya na may bahid ng pulitika kaugnay sa nakalipas na halalan. (Ulat ni Joy Cantos)