2 sinalvage natagpuan sa Benguet

CAMP CRAME – Dalawang naagnas na bangkay kabilang na ang isang kagawad ng pulisya ang natagpuan ng mga awtoridad sa madamong bahagi ng Sitio Tapak, Barangay Ampucao, Itogon, Benguet kamakalawa. Isa sa dalawang bangkay ay nakilalang si SPO1 Villamor Solar ng Regional Office Service Group ng Cordillera PNP Regional Office. Sa ulat, ang mga bangkay ay pawang nakagapos ang mga kamay at may palatandaang pinahirapan muna bago binaril sa noo. May teorya ang pulisya na pinaslang ang mga biktima sa ibang bayan saka itinapon sa naturang lugar upang iligaw ang mga awtoridad sa imbestigasyon. (Ulat ni Joy Cantos)