Bata natodas sa kuryente

ANGONO, Rizal – Maagang kinalawit ni Kamatayan ang isang 10-anyos na batang lalaki makaraang makuryente habang naglalaro sa palaisdaang pag-aari ng isang kawal ng Philippine Marines sa Barangay Mahabang Parang ng bayang ito kahapon ng umaga. Idineklarang patay sa Antipolo Doctors Hospital si John Paul Sipro ng Sitio Napocor. Kasalukuyan naman nasa custody ng kanyang superior ang may-ari ng palaisdaan na si PFC Rolan Oliva, 31, ng Camp Bagong Diwa, Taguig City. Naitala ang insidente bandang alas-9 ng umaga matapos na mapadikit ang biktima sa bakod na alambreng may kuryente. Agad namang inalis ng ilang kapitbahay ng biktima ang pagkakasaksak ng kuryente, subalit binawian na rin ng buhay ang biktima. (Ulat ni Edwin Balasa)