Tricycle driver naholdap ng P.2M

Camp Crame – Isang 36 anyos na tricycle driver ang nabiktima ng robbery holdup gang matapos na mag-withdraw ng P 250,000 sa isang sangay ng Metrobank sa Angeles City, ayon sa ulat kahapon. Halos wala sa kaniyang sarili ang biktimang si Freddie Narciso ng Brgy. Cutcut, Angeles City, Pampanga ng dumulog ito sa himpilan ng pulisya. Batay sa imbestigasyon ang insidente ay naganap bandang alas-2 ng hapon sa kahabaan ng Miranda Extension, Brgy. Trinidad, Angeles City. Nabatid na ang biktima ay nasundan ng mga suspek matapos na matiktikang nagwithdraw ng malaking halaga ng pera sa bangko. Ang kaso ay patuloy na iniimbestigahan ng pulisya. (Ulat ni Angie de la Cruz)