2 most wanted nasakote

LAGUNA – Dalawang kalalakihan na pinaniniwalaang may kasong murder kabilang na ang bigong ambush kay Congresswoman Josephine Sato ng Occidental Mindoro noong Marso 3, ang dinakip ng mga awtoridad sa magkahiwalay na operasyon kamakalawa sa Occidental Mindoro. Kabilang sa mga suspek na dinakip ay nakilalang sina: Roderick Tolentino at Jonathan Torino. Si Tolentino na may patong sa ulo na P.2 milyon at aktibong kasapi ng New People’s Army (NPA) ay dinakip sa Sta. Cruz, Occidental Mindoro habang namimili ng kalabaw. Samantalang si Torino na ika-5 wanted sa Occidental Mindoro at pugante mula sa Sablayan jail ay nalambat sa pinagkukutaan nito sa Marzan Village, Brgy. San Roque, San Jose. (Ulat ni Ed Amoroso)