Trader todas sa holdaper

IMUS, Cavite – Binaril at napatay ang isang 32-anyos na negosyante ng mga hindi kilalang lalaki makaraang pasukin at holdapin ang computer shop na pag-aari ng biktima sa Barangay Mabolo 3, Bacoor, Cavite kahapon. Ang biktimang nanlaban sa mga maninikwat kaya binaril ay nakilalang si Nilo Torreno ng Perpetual 8 Village, Brgy. Habay I ng nabanggit na bayan.

Ayon sa pulisya, naitala ang insident dakong alas-2:10 ng tanghali habang ang biktima ay nagbabantay ng kanyang computer shop. Bago nagsitakas ang mga maninikwat ay nilimas pa ang hindi nabatid na halaga ng biktima partikular na ang suot nitong alahas. (Ulat ni Cristina G. Timbang)