Totoy pinatay ng tomboy

KAMPO SIMEON OLA – Pinaniniwalaang paghihiganti ang naging motibo ng krimen kaya sunud-sunod na sinaksak ng patalim ang isang apat-na-taong gulang na batang lalaki ng tomboy na naging karelasyon ng utol na babae ng biktima sa Barangay Calampang Milagros, Masbate kamakalawa.

Ang biktimang si Jasper Presaldo ay tinodas habang natutulog matapos na pasukin ng suspek na si Cynthia Dadivas, 24, ng Brgy. Bangad. Ayon sa pulisya, hiniwalayan ng utol ng biktima ang suspek kaya pinalalagay na ginantihan ang bata. Kasalukuyang tinutugis ng pulisya ang suspek na lango sa bawal na gamot nang isagawa ang krimen. (Ulat ni Ed Casulla)