4 preso pumuga

Camp Crame – Apat na preso ang tumakas matapos na wasakin ang rehas na bakal ng kanilang selda sa naganap na jailbreak sa Batangas Provincial Jail sa Batangas City, kamakalawa. Sa ulat na tinanggap kahapon ni Philippine National Police (PNP) Chief P/Director General Hermogenes Ebdane Jr., kinilala ang tinutugis na mga pugante na sina Jonathan Lico , gumagamit ng alyas na Ricardo Roxas; Mario Licot, Larry Flores at Martin Bueta. Ang mga ito ay pawang may mga kasong robbery at carnapping sa Regional Trial Court (RTC) Branch 14 sa Nasugbu, Batangas at RTC Branch 76 sa Quezon City. Lumilitaw sa imbestigasyon na nagawang makatakas ng nasabing mga inmates sa pagitan ng alas 3 at alas 4 ng madaling araw matapos na wasakin ang rehas na bakal ng kanilang selda nang makalingat ang kanilang mga bantay. (Ulat ni Joy Cantos)