Magpinsang rapist timbog

RIZAL – Nagwakas ang pagiging rapist ng isang 45-anyos na lalaki makaraang dakpin ng pulisya dahil sa reklamo ng magpinsang dalagita kamakalawa ng gabi sa Taytay, Rizal.

Naghihimas ng rehal na bakal ang suspek na si Benjamin Olazo ng Barangay San Juan,Taytay, Rizal, samantala, ang dalawang biktima ay itinago sa pangalang Jenny, 11 at Grace 14, na kapwa kapitbahay ng suspek.

Base sa salaysay ng mga biktima sa pulisya, unang hinalay si Jenny noong Setyembre 11, 2003 sa loob mismo ng bahay ng suspek.

Isinunod ng suspek si Grace kamakalawa ng gabi habang nag-iisa ang biktima sa loob ng sariling bahay.

Nadiskubre ang pangyayari matapos na mapansin ng ina ng biktima na naging matatakutin si Grace, gayundin si Jenny kaya nagtapat na ang dalawa hanggang sa dumulog sa himpilan ng pulisya para magsampa ng reklamo laban sa suspek. (Ulat ni Edwin Balasa)