Mekaniko pisak sa trak

NUEVA ECIJA – Maagang kinalawit ni kamatayan ang isang mekaniko makaraang magulungan ng pampasaherong bus na kanyang kinukumpuni sa Barangay Piut, Carranglan, Nueva Ecija kamakalawa ng madaling-araw. Pisak ang ulo at leeg ng biktimang si Robert Ancheta, mekaniko ng Nelbusco aircon bus at residente ng Barangay Palacian, Aglipay, Quirino. Sa imbestigasyon, lumalabas na naka-puwesto ang biktima sa ilalim ng bus para kumpunihin ang preno pero sa hindi maipaliwanag na dahilan ay biglang gumalaw ang sasakyan kaya nadale ang leeg at ulo ni Robert bandang ala-1:30 ng madaling-araw. (Ulat ni Christian Ryan Sta. Ana)