Ex-councilor itinumba

COTABATO CITY – Isang dating konsehal ng munisipalidad na naging kontrobersyal dahil sa kampanya laban sa bawal na droga at illegal logging ang iniulat na itinumba ng hindi kilalang armadong lalaki habang ang biktima ay naglalakad sa Barangay Orandang, Parang, Maguindanao kamakalawa.

Ang biktimang nagtamo ng isang tama ng bala ng calibre .30 sa ulo ay nakilalang si Nestor Lidasan, ex-municipal councilor sa Parang, Maguindanao.

Ayon sa pulisya, si Lidasan ay siyam na taong nakipaglaban sa mga sindikato ng bawal ng droga at illegal logging noong ito ay nanunungkulan pa bilang konsehal at pinalalagay na nagbayad ng malaking halaga ang sindikato para patahimikin ang biktima. (Ulat ni John Unson)