Informer nilikida ng NPA

BALATAN, Camarines Sur – Dahil sa pagiging informer ng militar at pulisya ng isang magsasaka ang naging mitsa ng kanyang buhay makaraang pagbabarilin ng mga rebeldeng New People’s Army habang natutulog ang biktima sa sariling bahay sa Barangay Cabanbanan sa bayang ito kamakalawa ng hapon.

Hindi na nagising pa ang biktimang si Diony Sinfuego makaraang pasukin ng mga rebelde ang kanyang kuwarto at ratratin bandang ala-1:30 ng hapon.

Hindi pinakinggan ng mga rebelde ang pakiusap ng asawa at binalingan ang biktima sa pag-aakalang magbibigay ng impormasyon sa militar at pulisya ng mga ikinikilos ng makakaliwang kilusan. (Ulat ni Ed Casulla)