Si Brgy. Chairman Melchor Caluag, alyas Ngongo ng Brgy. Dolores ay tinamaan ng dalawang bala ng baril sa tiyan at kasalukuyang nasa kritikal na kondisyon, samantala, ang kasamang si Ariel Trinidad na anak ng dating brgy. chairman sa Lourdes ay tinamaan sa kaliwang kamay na kapwa nakaligtas sa tiyak na kamatayan.
Sa pagsisiyasat ni SPO4 Edgardo Balajadia, naganap ang pananambang dakong alas-6:45 ng gabi habang papalabas ang dalawa sa Mel-Vin Bldg. na pag-aari ni Caluag.
Dalawang hindi kilalang killer ang bumaba sa owner-type jeep at kaagad na pinaputukan ang mga biktima saka mabilis na nagsitakas sa pag-aakalang napatay sina Caluag at Trinidad.
Napag-alaman sa ilang pulis na si Caluag ay nagtungo sa Hong Kong upang magpalamig tungkol sa pagpapatigil ng jueteng sa naturang lugar ngunit hindi nila akalain na bumalik na siya sa bansa. (Ulat nina Ding Cervantes/Pesie Miñoza)