Obrero napagkamalang nandugas tinodas

ALFONSO, Cavite – Binaril at napatay ang isang obrero ng guwardiyang nakatalaga sa farm house ng Monterey makaraang mapagkamalang magnanakaw habang naglalakad sa nabanggit na lugar kahapon ng umaga sa Brgy. Buck Estate sa bayang ito.

Ang biktima na binaril sa mukha ay nakilalang si Romeo Cornel, 40, may asawa, isang warehouse helper ng naturang lugar at residente ng Gumamela St., Imus, Cavite, samantala, ang suspek na tumakas ay nakilalang si Juanito Reyes, 39 at security guard’s officer-in-charge ng SCUD Investigation and Security Agency Incorp. ng nabanggit na farm house.

Ayon sa pulisya, naganap ang krimen dakong alas-7 ng umaga makaraang mapagkamalang outsider ang biktima kaya kaagad na binaril ng suspek. (Ulat ni Cristina Go-Timbang)