Inaresto ng mga BI agents ang suspek na si Charles Horn sa loob ng isang restaurant sa Brgy. Banilad.
Ayon kay Immigration Comm. Andrea Domingo na si Horn at isa pang Randy Lee Campbell ay matagal nang hinahanting ng kanilang tanggapan simula pa noong Setyembre matapos na makatanggap sila ng reklamo mula sa mga naging biktima nito.
Ang reklamo sa dalawang dayuhan ay batay sa isinampang kaso ng 10 kababaihang menor-de-edad na umano’y pinagsamantalahan sa magkakahiwalay na okasyon.
Ang mga suspek ay operator ng Wedo taxi at nagmamantine ng Minute Man sa nasabing lalawigan at lumalabas na wala silang rekord na nag-apply ang mga ito ng working permits at visas.
Si Horn ay isasailalim sa deportation proceedings habang pinaghahanap pa si Campbell. (Ulat ni Ellen Fernando)