Kinilala ng pulisya ang biktima na si Desiree Orig Victa, dalaga, ng Victas Compd. ng nabanggit na lugar.
Samantala, ang suspek na ngayon ay tinutugis ng follow-up team ng pulisya ay nakilalang si PO2 Reynaldo Caranay na nakatalaga sa Camp Pantaleon Garcia sa Imus, Cavite.
Sa inisyal na imbestigasyon ng pulisya, naganap ang pangyayari dakong alas-8:30 ng gabi nang pasukin ng suspek ang bahay ng biktima at sapilitang hinila papalabas ng bahay bago isinakay sa kanyang kotse.
Nabatid pa na tutulong sana ang ilang kapitbahay na kalalakihan upang mapigilan ang pangyayari subalit nagpaputok ng baril ang suspek na pinaniniwalaang lango sa alak na ikinatakot naman ng mga ito na mapatay sila.
May teorya ang pulisya na binigo sa pag-ibig ng biktima ang suspek kaya napagpasyahan na lamang na dukutin. (Ulat ni Mading Sarmiento)