Minahan sinalakay ng NPA rebels

Sinalakay ng mga miyembro ng rebeldeng New People’s Army (NPA) ang isang kumpanya ng minahan at nang walang maibigay na malaking halaga ng salapi ang mga empleyado ay tinangay patakas ang tatlo katao sa panibagong insidente ng paghahasik ng karahasan sa Palawan, kamakalawa.

Kinilala ang mga tinangay ng NPA na sina Allan Alcaide, Gilbert Herrera at Edilberto Bustamante upang ipatubos umano kapalit ng hinihingi nitong revolutionary tax.

Napag-alaman na ang pagsalakay ay itinaon ng mga rebelde bandang alas-12:00 ng tanghali habang karamihan sa mga nangangasiwa sa nasabing minahan ay kasalukuyang nananghalian. (Ulat ni Joy Cantos)