Mister iniwan ni misis, nagbigti

TRECE MARTIRES CITY, Cavite – Isang 40-anyos na lalaki ang iniulat na nagpakamatay sa pamamagitan nang pagbibigti makaraang hindi makayanan ang problema matapos na iwanan ng kanyang misis sa White Gardenia St., Capitol Hills Subdivision, Barangay Lapidario ng lunsod na ito. Nakilala ang nasawi na si Graciano Aniel, ng nabanggit na lugar.

Si Aniel ay natagpuan kahapon na nakabitin sa kisame ng garahe ng kanilang bahay.

Batay sa isinagawang imbestigasyon , dakong alas- 6 ng umaga nang matuklasan ang ginawang pagbibigti ni Aniel. Isang nylon cord ang ginamit nito sa pagbibigti.

Napag-alaman ng pulisya sa ina ng nasawi na simula ng ito ay iwanan ng kanyang misis at mga anak ay naging malungkutin na ito na pinaniniwalaang posibleng dahilan ng isinagawang pagpapakamatay. (Ulat ni Mading Sarmiento)