VP Duterte, nagbabala sa charter change
Upang mapalawig sa puwesto si Marcos Jr.
MANILA, Philippines — Posibilidad umanong amiyendahan ang Konstitusyon upang mapanatili si Pang. Bongbong Marcos sa puwesto.
Ito ang pangamba ni Vice President Sara Duterte sa panayam sa kanya sa The Hague, Netherlands kung saan siya naroroon upang bisitahin ang nakapiit na amang si dating Pang. Rodrigo Duterte.
Ayon pa kay VP Duterte, na ang dapat na gawing prayoridad ng administrasyon ay ang economic recovery sa halip na mga hakbang na pampulitika.
Inakusahan din niya ang pamahalaan na ginagamit ang government resources upang pahinain ang political opposition, sa gitna na rin ng lumalalang political tensions sa bansa.
“Una n’yan si dating Pangulong Duterte, sunod n’yan si Senator Bato at ano pang ibang sinali sa complaint kuno. Ang sunod n’yan ay Charter change dahil ‘di naman na made-deny ni BBM dahil doon sa bago niyang interview ng Bloomberg, sinabi n’ya na kailangan ng pag-usapan ‘yan. Pagpinag-usapan na ‘yan, ‘di na ‘yan bababa sa puwesto,” babala ni Duterte.
“Yan din sinabi ni President Duterte kanina, sabi niya: Pilipinas mag-ingat kayo, dahil ‘di na ‘yan aalis sa puwesto,” aniya pa.
- Latest
