Puting sibuyas may salmonella, ibinabala ng DA
MANILA, Philippines — Nagbabala si Agriculture Secretary Francisco Tiu Laurel Jr. sa publiko na maging mapanuri sa pagbili ng mga imported na puting sibuyas dahil delikado sa kalusugan.
Ang paalala ay ginawa ni Sec. Laurel nang makumpiska sa Pampanga ang ilang toneladang puslit na mga gulay kabilang ang imported na sibuyas na positbo sa salmonella at heavy metals. Aniya, walang otorisasyon mula sa ahensiya ang importasyon ng puting sibuyas.
Binigyang diin ni Secretary Laurel na ang hakbang ay ginawa upang maprotektahan ang local onion farmers at matiyak na ligtas ang kalusugan ng mamamayan mula sa mga pagkain.
“If possible, please don’t buy imported onions because they maybe contaminated with salmonella. These contaminated onions are not fit for human consumption,” ayon sa Kalihim.
Ang nakumpiskang shipment ng 34 metric tons ng puting sibuyas ay mula China na naideklara lamang na processed chicken karaage strips.
- Latest
