Farmers sa Bukidnon nakatanggap ng mga bigas at abono – Rodriguez

MANILA, Philippines — Pinangunahan ni A Teacher Partylist, na si Virginia Rodriguez ang pamimigay ng libreng bigas at organic na fertilizers sa daan-daang mga magsasaka mula sa Valencia City, Bukidnon para lalong lumago ang produksyon ng kanilang ani sa probinsya.

Si Rodriguez, na sinamahan nila Valencia City Mayor Azucena Huervas, ay nagsabi na ang pinamigay ng organic fertilizers, at may kasama pang libro niya na may pamagat na “Leave Nobody Hungry”, ay makakatulong sa pagbibigay dagdag kaalaman sa magsasaka upang magkaroon ng sustainable agricultural practices at malaman ang makabagong teknolohiyang ginagamit sa pagtatanim para dumami pa ang kanilang aanihin na palay.

Sa ginawang “Meet and Greet” na programa, na may tema na “Pagli­lingkod na May Dangal at Puso para sa Samba­yanang Pilipino,” sinabi ni Rodriguez sa mga benepisyaryo at iba pang dumalo na ang kanyang adbokasiya ay palakasin ang mga lokal na magsasaka, at magkaroon ng magandang buhay.

Si Rodriguez na isang pilantropo ay ikatlong nominee ng A Teacher Partylist No.137 ay nagsabi na ang pagkakaroon ng food security ay maa­ring makamit kung ang mga taong may interes, na nagmumula sa iba’t ibang sektor, ay magtutulung-tulong para makamit ang pag-unlad.

Naniniwala rin si Rodriguez na hindi lang ang Department of Agriculture, pati ang iba pang mga ahensya, ang tutulong para masigurado na ang mga magsasaka ay makakakuha ng lahat ng suporta na kailangan nila para mapaganda pa ang kanilang produkto at kikitain mula dito.

Maaaring i-follow si Rodriguez sa kanyang FB page na Queen Vi Rodriguez para sa iba pang aktibidad ng A Teacher Partylist.