2 pusher timbog sa P74.8 milyong shabu
MANILA, Philippines — Naaresto ng mga otoridad ang dalawang bigtime drug pusher sa isang buy-bust operation na nagresulta sa pagkakasamsam ng nasa mahigit P74.8 milyong halaga ng shabu, kamakalawa ng gabi sa Ermita, Maynila.
Ang mga suspek ay kinilalang sina Jebrasul Amil, 37, residente ng GL Vista, tubong Zambonga Del Sur; at Rodel Nagal Mutia, 45, ng Amares Subdivision, Brgy. Molino, Bacoor City, Cavite.
Batay sa report na tinanggap ni PNP-DEG Director PBGen. Eleazar Matta, alas-7:45 ng gabi nang isagawa ang buy-bust operation sa 35th Floor Unit 3519 BBB Condominiums, Brgy. 676, Ermita, Maynila.
Nakuha sa mga suspek ang isang transparent vacuum sealed plastic pack na naglalaman ng white crystalline substance na tumitimbang ng 1 kilo at may halagang P6,800,000; 10 transparent vacuum sealed plastic pack na naglalaman ng white crystalline substance na may bigat na 10 kilo na may standard drug price na P68,000,000; walong bundle ng tig-P1,000 na boodle money; 11 aluminum foil pack; android phone; Keypad Cellphone; bank passbook; brown wallet pouch; tatlong ID at sling bag at nasa P74,8000,00.00 ang kabuuang halaga ng shabu ang nasabat.
- Latest
