Missing na babaeng paslit natagpuang patay sa sako
MANILA, Philippines — Bangkay na nang matagpuan sa loob ng sako sa Lupang Arenda, Brgy. Sta. Ana, Taytay, Rizal ang isang 8-anyos na batang babae na naiulat na nawawala noong Miyerkules.
Kinilala ang biktima na si alyas Ryka, nakatira sa Road 10 Abnai Sta. Ana, Taytay na unang iniulat ng mga kaanak na nawawala noong pang Miyerkules ng gabi.
Ayon sa report, alas-12:00 ng hatinggabi nang makita ng isang 43-anyos babae na residente sa lugar ang isang sakong kulay asul na may nakasilid na kahina-hinalang bagay at iniwan sa unahan ng isang nakaparadang sasakyan sa Mabunga St. Purok 5.
Agad niyang itong inireport sa mga otoridad at nang buksan ang sako ay tumambad ang bangkay ng bata.
Patuloy ang imbestigasyon sa pangyayari at inaalam kung ano ang ikinasawi ng bata at sino ang may kagagawan ng krimen.
- Latest
