Government employees may freebies, discounts ngayong Setyembre – CSC

MANILA, Philippines — Bilang pagbibigay diwa sa pagdiriwang sa ika-123 Philippine Civil Service Anniversary (PCSA), ang lahat ng mga opisyal at empleyado ng gobyerno ay maaaring mag-avail ng mga special treat at discount sa kanilang mga bibilhin, accommodations, at mga aktibidad ngayong Setyembre.

Ayon kay Civil Service Commission (CSC) Chairperson Karlo Alexei Nograles nasa 1.9 milyong aktibong lingkod-bayan at mga retiradong empleyado ang makikinabang sa mga freebies at discounts bilang pagkilala sa kanilang hindi matatawaran at maayos na serbisyo sa publiko.

Nabatid sa CSC na ang mga outlet na nag-aalok ng mga diskwento ay ang Bluewater Maribago (Lapu-Lapu City, Cebu); Casa Emilia (Caloocan City); Desert Rose Hotel (El Nido, Palawan); Fulgueras Beach Resort (San Felipe, Zambales); Department of Tourism-Cordillera Administrative Region; DOT-Region 1; Harolds Evotel Hotel Cebu; Kwentong Dagat (San Felipe, Zambales); Layang Layang Home (El Nido, Palawan); Limliwa Beach Resort (San Felipe, Zambales); RedDoorz; Seda Lio (El Nido, Palawan); Sitio de Amor (San Pablo City, Laguna); Urbiz Garden (San Juan, La Union); at Villa Pamana Inn (Puerto Galera, Oriental Mindoro).

Mae-enjoy din ng mga civil servant ang discounted rates sa SM Bowling, SM Skating, Game Room, at Star City habang pinalawig ni “Ka Tunying” ang espes­yal na pagpepresyo nito para sa mga orders na pagkain.

Samantala, ang mga health and wellness facility na nagbibigay rin ng freebies at discounts ay ang 2 Hands; Asian Eye Institute; EyeSite by Asian Eye Institute; Blissful Bali Massage Spa and Aesthetic Center; Dermcare; Executive Optical; KR Suarez Optical; Pink Parlour; RCC Amazing Touch; at Vitasurg Clinic.

May 9 retail outlets din na nag-aalok ng mga diskwento sa mga purcha­ses in-store gaya ng ACE Hardware; FlexiSpot; Hi-Q Appliances; Miniso; Pet Express; SM Appliance Center; SM Store; Toy Kingdom; at Trax Manila Records.

May diskuwento rin mula sa AutoGenic, Automobile Association Philippines, L&D’s Auto Body Painting & Repair Services, at Majesty Driving School.

Ang Bigson Travel & Tours at Travbest Travel & Tours Co. nag-aalok din ng mga diskwento sa mga travel bookings at travel insurance.

Ang Job Order at Contract of Service workers ay maaaring maka-avail ng mga special treat sa pamamagitan ng pagpapakita ng kanilang opisyal na ID card ng ahensya ng gobyerno.