Paggamit ng carbon, nagdudulot ng matinding sakuna

MANILA, Philippines — Nagdudulot ng matinding panganib kapag may kalamidad sa bansa ang “coal fired power plants” kaya’t gamitin na ang kanilang idineklarang ‘coal moratorium’ at tanggalin ang lahat ng planta ng karbon.

Ito ang panawagan ng Power for People Coalition (P4P) ni Gerry Arances, P4P Convenor at mga komunidad na apektado ng ‘coal’ o karbon  sa Department of Energy (DOE) sa ginanap na  online press conference.

Aniya, ang ‘karbon’ ang siyang pinakamala­king pinagkukunan ng ­enerhiya dahil sa  “technologically neutral” na pinaninindigan ng DOE, na humikayat pa sa konstruksyon ng mga karagdagang ‘coal power plants’ sa Pilipinas.

Ayon naman kay Ian Rivera, national coordinator ng Philippine Movement for Climate Justice (PMCJ), ang ‘coal moratorium’ ay paraan lamang ng DOE para matakpan ang kanilang pagkabigo sa pagpaplano,  at ang papel nito sanhi ng masasamang rate ng kuryente sa bansa, na ngayon ay pinakamahal sa Asya.