Oil firms nagrolbak ng presyo

MANILA, Philippines — Epektibo ngayon alas-6:00 ng umaga ay nagbawas ng presyo sa kanilang produktong petrolyo ang mga kumpanya ng langis.

Pinangunahan ng Pilipinas Shell, PTT Philippines, Petro Gazz, CPI (Caltex), at Eastern Petroleum ang bawas presyo na P0.35 kada litro ng gasolina, P0.45 kada litro ng diesel at P0.60 sa kada litro ng kerosene.

Inaasahan naman na susunod na magpatupad ng oil price rollback sa mga produktong petrolyo ang iba pang oil companies.

Ang bawas presyo ay bunsod sa patuloy na paggalaw ng presyo sa pandaigdigang pamilihan.