Dalaga kinidnap/ni-rape ng basted na manliligaw

MANILA, Philippines – Kinidnap at hinalay ang isang 24-anyos na dalaga ng kanyang manliligaw at apat nitong barkada sa Brgy.Mabuhay, Buug, Zamboanga Sibugay.

Nitong Lunes ng alas-11:30 ng umaga nang makatakas ang biktima na itinago sa pangalang Lolita sa bahay na pinagdalhan sa kanya ng mga suspek.

Sa imbestigasyon,dakong alas-9:00 ng gabi noong Sabado nang dukutin ang biktima ng mga suspek sa harapan ng Buug Pilot Central Elementary School.

Ang mga suspek  ay kinilalang sina Alan Ilustrisimo, binasted na manliligaw at apat nitong kasama na sina Ariel Ilustrisimo, Marvin Laurente, Leo Pacatang at Leonard Pacatang.

Dinala ang biktima ng mga suspek sa  isang abandonadong bahay ng isang Amar Rustia, tiyuhin ni Allan sa Brgy. Mabuhay, Buug, Zamboanga Sibugay kung saan dito siya hinalay.

Nang makakuha ng pagkakataon ay tumakas ang dalaga at nakabalik sa kanilang bahay sa tulong ng ilan nitong kamag-anak na naninirahan malapit sa lugar.

Nasakote ang mga suspek na sina Ilustrisimo, Pacatang at Leonard habang patuloy pa ang pagtugis sa dalawa pang suspek.