Suot na uniporme ng Marines ni Binay pinasosoli ni Trillanes

MANILA, Philippines – Dapat ay isoli ni Vice President Jejomar Binay ang suot nitong uniporme ng Marines matapos na ito ay umatras sa nakatakdang debate.

Ito ang iginiit kahapon ni Senator Antonio Trillanes IV at isa anyang kahihiyan ang ginawang pag-atras  ni Binay sa kanilang debate sa Nobyembre 27  lalo pa’t walang mga Marines ang umaatras sa laban.

“Nakakahiya na doon pa niya ginawa yun sa headquarters ng Marines kasi ang mga Marines hindi umaatras eh so dapat bawiin din ng Marines yung uniporme nya,” sabi ni Trillanes.

Nauna ng sinabi ni Trillanes na hindi na dapat pagkatiwalaan si Binay lalo pa’t pinatunayan na nito na wala siyang isang salita.