Pastor Quiboloy naibalik na sa Camp Crame

MANILA, Philippines — Ibinalik na sa custodial facility ng Camp Crame ang leader ng Kingdom of Jesus Christ (KOJC) na si Pastor Apollo Quiboloy nitong Sabado ng alas-5:20 ng hapon.

Matatandaan na isinugod si Quiboloy sa Philippine Heart Center (PHC) dahil sa paninikip ng dibdib at mabilis na pintig ng puso o palpitasyon noong nakaraang linggo.

Dahil sa natuklasang karamdaman, inirekomenda ng PNP health service na isailalim agad si Quiboloy sa medical test dahilan para hilingin ng kampo nito sa korte na madala ang pastor sa ospital.

Si Quiboloy ay nahaharap sa non-bailable na kasong qualified human trafficking at paglabag sa Republic Act 7610.