P5-M sunog sa San Juan

MANILA, Philippines - Tinupok ng apoy ang bodega ng furniture sa Barangay Batis, San Juan City kahapon ng madaling araw.

Sa ulat, dakong ala-1:00 ng madaling araw nang sumiklab ang sunog sa SCT Furnishing Corporation warehouse, na
naglalaman ng mga muwebles na gawa sa kahoy at foam na matatagpuan sa RJ Fernandez St., ng lungsod.

Halos apat na oras bago tuluyang maidek­larang fireout ang sunog na umabot ng ikatlong alarma at aabot sa P5 milyon ang naging danyos.

Walang napaulat na nasaktan sa insidente at hindi rin nadamay
ang mga katabing establisyimento.